ایک چینی سوشل میڈیا انفلوئنسر اس وقت خبروں کی زینت بن گئیں جب لائیو اسٹریمنگ کے دوران اچانک ان کے چہرے سے بیوٹی فلٹر ہٹ گیا، جس کے بعد بڑی تعداد میں فالوورز نے انہیں ان فالو کر دیا۔
غیر ملکی خبر ایجنسی کے مطابق خاتون لائیو ویڈیو کے ذریعے اپنے مداحوں سے بات چیت کر رہی تھیں کہ تکنیکی خرابی کے باعث چند لمحوں کے لیے چہرے پر لگا ڈیجیٹل فلٹر غائب ہوگیا۔ فلٹر ہٹتے ہی ناظرین ان کی اصل شکل دیکھ کر حیران رہ گئے۔
رپورٹس کے مطابق صارفین نے سوشل میڈیا پر شدید ردعمل دیا اور الزام لگایا کہ انفلوئنسر اپنی حقیقی شکل کے بجائے حد سے زیادہ فلٹرز استعمال کرکے مداحوں کو گمراہ کر رہی تھیں۔ اسی ردعمل کے نتیجے میں تقریباً ڈیڑھ لاکھ افراد نے انہیں ان فالو کر دیا۔
صرف چار سیکنڈ پر مشتمل ویڈیو کلپ چند گھنٹوں میں دنیا بھر میں وائرل ہوگئی اور آن لائن خوب زیرِ بحث رہی، جہاں صارفین نے سوشل میڈیا پر فلٹرز کے بڑھتے استعمال اور حقیقت و دکھاوے کے فرق پر نئی بحث چھیڑ دی۔
بیوٹی فلٹر ہٹتے ہی چینی انفلوئنسر کے ڈیڑھ لاکھ فالوورز نے ساتھ چھوڑ دیا
