لاہور: محکمہ انسدادِ دہشت گردی (سی ٹی ڈی) پنجاب نے صوبے کے 9 مختلف شہروں میں انٹیلی جنس بیسڈ آپریشنز کے دوران کالعدم تنظیموں سے تعلق رکھنے والے 18 خطرناک دہشت گردوں کو گرفتار کر لیا۔
سی ٹی ڈی ترجمان کے مطابق گرفتار دہشت گردوں کے قبضے سے بھاری مقدار میں جدید اسلحہ، بارودی مواد اور تخریبی لٹریچر برآمد کیا گیا ہے۔ترجمان کا کہنا ہے کہ صوبے میں امن و امان برقرار رکھنے کے لیے مختلف علاقوں میں 3 ہزار 357 کومبنگ آپریشنز بھی کیے گئے، جن کے دوران 274 مشکوک افراد کو حراست میں لے کر تفتیش شروع کر دی گئی۔سی ٹی ڈی حکام نے واضح کیا ہے کہ دہشت گردوں، ان کے نیٹ ورکس اور سہولت کاروں کے مکمل خاتمے تک کارروائیاں بلاامتیاز جاری رکھی جائیں گی۔