دوستوں پراندھا دھند فائرنگ کے واقعہ کے بعد دوسرے فریق نے بھی درخواست دے دی

قصور
قصور کے نواحی علاقے موضع نوری والا حدود تھانہ گنڈا سنگھ والا میں گزشتہ ماہ تلخ کلامی کے بعد دوستوں پر اندھا دھند فائرنگ کرنے والے مرکزی ملزم کے فریق نے بھی مدعی فریق کے خلاف مقدمہ درج کرنے کی درخواست دے دی ہے
درخواست کے مطابق، مدعی فریق پر الزام عائد کیا گیا ہے کہ اس نے مبینہ طور پر دو کروڑ روپیہ مالیت کا ٹریکٹر، کار، موٹر سائیکل، اناج، گھر، ڈیرہ اور دیگر قیمتی سامان کو آگ لگا کر جلا دیا
یاد رہے کہ اس سے قبل اسی واقعہ میں اندھا دھند فائرنگ کے نتیجے میں ایک شخص جاں بحق جبکہ سات افراد زخمی ہوئے تھے
پولیس حکام کے مطابق معاملے کی تحقیقات جاری ہیں اور شواہد کی روشنی میں قانونی کارروائی عمل میں لائی جائے گی