وزیر اعظم شہباز شریف نے دبئی میں میزائل کے ملبے سے 2 پاکستانی شہریوں کی ہلاکت پر گہرے دکھ اور افسوس کا اظہار کیا ہے۔
انہوں نے ایکس اکاؤنٹ پر اپنی پوسٹ میں کہا کہ پاکستان کے سفارتی مشنز متحدہ عرب امارات میں دبئی حکام کے ساتھ قریبی رابطے میں ہیں تاکہ متاثرہ خاندانوں کو ہر ممکن مدد فراہم کی جا سکے اور ہلاک ہونے والوں کی واپسی کا عمل آسان بنایا جا سکے۔ وزیر اعظم نے مرحومین کے لواحقین کے ساتھ ہمدردی کا اظہار کیا۔
واضح رہے کہ گزشتہ شام اماراتی حکام نے تصدیق کی ہے کہ دبئی کے علاقے البرشا میں ہفتہ کی شام جاں بحق ہونے والا شخص پاکستانی شہری تھا جو بطور ڈرائیور فرائض انجام دے رہا تھا دبئی میں حالیہ حملوں کے نتیجے میں اب تک 2 پاکستانیوں سمیت 4 افراد جان کی بازی ہار چکے ہیں۔
کل تک پپٹرول کے 3 جہاز پاکستان پہنچنے کی توقع ہے،وزیر پیٹرولیم
اس سے قبل دبئی میڈیا آفس نے بتایا تھاکہ البرشا میں فضائی دفاعی کارروائی کے دوران گرنے والے ملبے سے ایک گاڑی کو نقصان پہنچا جس کے نتیجے میں ایشیائی ڈرائیور ہلاک ہوگیا ادھر ایرانی پاسداران انقلاب نے بھی تصدیق کی ہے کہ دبئی مرینا میں امریکی فوجی مقام کو کامیابی سے نشانہ بنایا گیا، تہران ریفائنری پر حملے کے بعد حیفا ریفائنری کو بھی نشانہ بنایا گیا ۔