الیکشن کا اصلی نتیجہ دیا جائے ورنہ اسمبلی میں آرام سے نہیں بیٹھنے دوں گا،مولانا فضل الرحمان

جمعیت علماء اسلام (ف) کے سربراہ مولانا فضل الرحمان نے کہا ہے کہ الیکشن کا اصلی نتیجہ دیا جائے ورنہ اسمبلی میں آرام سے نہیں بیٹھنے دوں گا۔

چارسدہ میں تقریب سے خطاب کرتے ہوئے مولانا فضل الرحمان کا کہنا تھا کہ جب تک برصغیر میں علماء کی حکومت تھی تو امن تھا۔ جب سے علماء سے قیادت چھینی گئی بے امنی بڑھ گئی۔ فرقہ واریت کو ہوا دی گئی تو ہم نے اس کا راستہ روکا، امریکی صدر کی نظر دنیا کی دولت پر ہے، خطے کے وسائل پر قبضے کیلئے بے امنی پھیلائی گئی ہے، الیکشن میں ہمارے ساتھ دھاندلی ہوئی، جس کا اعتراف بھی کیا گیا۔ اس الیکشن پر شہباز شریف حکومت کرے گا اور میں اسے جائز مانوں گا، الیکشن کا اصلی نتیجہ دیا جائے ورنہ اسمبلی میں آرام سے نہیں بیٹھنے دوں گا، انڈیا کے ساتھ جنگ اور امریکا ایران ثالثی میں ہم نے آپ کو سپورٹ کیا۔ملک میں کوئی نمائندہ حکومت نہیں، ہارے ہوئے کو جتوانا اور جیتے ہوئے کو ہروانا مقتدرہ کے بائیں ہاتھ کا کھیل بن چکا ہے اور پھر جب ٹرمپ بھی اسکی پیٹھ تھپتھپائے

مولانا فضل الرحمان کا کہنا تھا کہ صدر مملکت نے عمر بھر کے لیے خود کو استثنیٰ دے دیا۔ غریب کو روٹی نہیں ملتی اور حکمران عیاشی کرتے ہیں،ہمارے صدر صاحب کہتے ہیں کہ معاہدہ کرنا کیا قرآن و سنت کی بات ہے؟ آپ نے اپنے لیے تاحیات استثنیٰ لے لی۔ زرداری صاحب ہم کب آپ پر مقدمہ کرنا چاہتے ہیں لیکن کل کو صدارت کے بعد تم نے کسی کوقتل کر دیا تو تمہیں کوئی پوچھنے والا بھی نہیں ہو گا، اگر ملک چلانا ہے تو جے یو آئی (ف) کا راستہ کھولنا ہوگا۔ پاکستان کی سیاست آئین و دلیل کی نہیں قوت کی سیاست ہے، افغانستا ن کے ساتھ مسائل بھی مذاکرات سے حل کیے جائیں،افغانستان کے ساتھ کیوں لڑائی چھیڑ رہے ہیں؟ آپ افغانستان کو کمزور کررہے ہیں لیکن اگر امریکا اور مغرب افغانستان کو کمزور کرنا چاہتے ہیں تو پراکسی کا کردار پاکستان ادا کررہا ہے،