ابوظہبی: متحدہ عرب امارات کی قومی ایئرلائن اتحاد ایئر ویز نے مبینہ طور پر 15 پاکستانی ملازمین کو ملازمت سے برطرف کرتے ہوئے انہیں 48 گھنٹوں کے اندر ملک چھوڑنے کا حکم دے دیا ہے،
ذرائع کے مطابق متاثرہ ملازمین کو ایئرلائن کے ہیومن ریسورس ڈیپارٹمنٹ کے ذریعے باقاعدہ نوٹس دینے کے بجائے امیگریشن آفس طلب کیا گیا، جہاں انہیں اچانک برطرفی اور فوری طور پرابو ظہبی سے نکلنے کے احکامات تھما دیے گئے۔اطلاعات کے مطابق ملازمین کو نہ تو پیشگی اطلاع دی گئی اور نہ ہی انہیں کسی قسم کا دفاع یا وضاحت پیش کرنے کا موقع فراہم کیا گیا، جس پر قانونی اور انسانی حقوق کے حوالے سے سوالات اٹھائے جا رہے ہیں۔