دا لیجنڈ آف مولا جٹ سے مزید شہرت کی بلندیوں پر پہنچنے والے اداکار فواد خان جب بھی جہاں بھی جاتے ہیں وہیں مداحوں کی بھیڑ جمع ہوجاتی ہے. حال ہی میں بھی کچھ ایسا ہی ہوا. جی ہاں فواد خان لاہور میں ہونے والی بے بی لیشس کی سکریننگ پر پہنچے مقامی سینما میں. فواد خان اس وقت سینما ہال میں جا کر بیٹھے جب تمام لوگ فلم دیکھنے مینمصروف تھے. جیسے ہی فلم ختم ہوئی تو سینما ہال کی لائٹس آن ہوئیں ، تو شائقین کی نظر پڑی فواد خان پر ، انہوں نے خوشی سےفواد کا نام پکارا اور ان کی طرف لپکے، بہت سارے مداح ان تک پہنچنے میںکامیاب ہو گئے اور ان کے ساتھ سیلیفیاں بنوائیں.
”فواد خان نے اس موقع پر میڈیا سے گفتگو نہیں کی اور وہ ویسے ہی چل دئیے” لیکن ان کے مداح ان کو دیکھ کر نہایت ہی خوش ہوئے. یاد رہے کہ فواد خان کا شمار پاکستان کے سپر ہٹ اداکاروں میں ہوتا ہے ان کی فلم دا لیجنڈ آف مولا جٹ نے کامیابیوں کے نئے ریکارڈز قائم کئے ہیں ان کی اداکاری منی بیک گارنٹی میں بھی بہت زیادہ سراہی گئی ہے. فواد خان پاکستان کی طرح انڈیا اور انڈین آرٹسٹوں میں بھی بہت مقبول ہیں.