باغی ٹی وی کی رپورٹ کے مطابق شہر قائد کراچی میں افسوسناک واقعہ پیش آیا ہے
کراچی میں آج ایک اور مذہبی رہنما کو گولیاں مار کر قتل کر دیا گیا، اہلسنت والجماعت کراچی کے رہنما، صوبائی قانونی مشیر سلیم کھتری پر گولیاں چل گئیں، گولیاں لگنے سے انکی موت ہو گئی،اطلاع پرپولیس موقع پر پہنچ گئی، پولیس حکام کے مطابق اہلسنت والجماعت کے رہنما سلیم کھتری کو نیو کراچی سیکٹر فائیو جی میں گھر کے قریب نشانہ بنایا گیا،سلیم کھتری کو 5 گولیاں لگی ہیں، زخمی حالت میں انکو ہسپتال لے جایا گیا تا ہم انکی موت ہو گئی ہے، ڈاکٹرز نے بھی سلیم کھتری کی موت کی تصدیق کر دی ہے،
ترجمان اہلسنت والجماعت کے مطابق مقتول اہل سنت و الجماعت کراچی ڈویژن کے رہنما اور صوبائی قانونی مشیر تھے ،ایس ایس پی سینٹرل معروف عثمان کے مطابق مقتول بلال کالونی تھانے کی حدود نیو کراچی سیکٹر فائیو جی میں پان کی دکان پر کھڑے تھے کہ موٹر سائیکل پر آنے والے چار ملزمان نے انہیں گولیاں ماریں، ملزمان فرار ہو گئے ہیں، پولیس کا کہنا ہے کہ جلد ملزمان کو گرفتار کر لیں گے