190 ملین پاؤنڈ کیس ،عمران خان اور بشری بی بی کی اپیلوں میں بڑی پیش رفت سامنے آئی ہے
اسلام آباد ہائیکورٹ بانی پی ٹی آئی اور بشری بی بی کے وکلا کو اپیلوں پر دلائل کی حتمی مہلت دے دی ،اسلام آباد ہائیکورٹ نے کہا کہ اگر آئندہ سماعت اپیلوں پر دلائل نا دئیے تو نیب کو سن کر دستیاب ریکارڈ پر فیصلہ کر دیں گے ،آئندہ سماعت پر دلائل دینے کی لطیف کھوسہ کی انڈرٹیکنگ پر کیس ملتوی کرنے کی استدعا منظور کر لی گئی،چیف جسٹس سرفراز ڈوگر اور جسٹس محمد آصف نے تحریری حکم نامہ جاری کر دیا ،حکم نامہ میں کہا گیا کہ وکیل سردار لطیف کھوسہ جن کا وکالت بانی اور بشری کی جانب سے ریکارڈ پر موجود ہے ، سردار لطیف کھوسہ نے واضح انڈرٹیکنگ دی ہے کہ آئندہ سماعت پر مزید کوئی التوا نہیں مانگیں گے ،سردار لطیف کھوسہ نے انڈرٹیکنگ دی ہے آئندہ سماعت پر اپیلوں پر دلائل دیں گے ،سردار لطیف کھوسہ کی انڈرٹیکنگ کے بعد عدالت کیس ملتوی کر رہی ہے ،عدالت واضح کرتی ہے کہ اس کیس میں اب حتمی مہلت دی جا رہی ہے ،آئندہ سماعت پر اگر اپیلوں پر دلائل نہیں دئیے تو مزید کیس ملتوی نہیں ہو گا ،نیب کو سن کر دستیاب ریکارڈ دیکھ کر اپیلوں کا فیصلہ کر دیا جائے گا ، عدالت نے کیس کی مزید سماعت غیر معینہ مدت تک کے لئے ملتوی کر دی