190 ملین پاؤنڈ کیس ،بانی پی ٹی آئی اور بشری بی بی کی سزا معطلی درخواستیں جلد سماعت کے لیے مقرر کرنے کی متفرق درخواست پر سماعت ہوئی،
چیف جسٹس سرفراز ڈوگر اور جسٹس اعظم خان نے سماعت کی،بیرسٹر سلمان صفدر عدالت میں پیش ہوئے،چیف جسٹس برہم ہوئے اور کہا کہ یہ کیا ہے اتنا رش کیوں ہے،عدالت نے بانی پی ٹی آئی کے حامی وکلاء کو اپنی نشستوں پر بیٹھنے کی ہدایت کر دی،سلمان صفدر نے کہا کہ بانی پی ٹی آئی کی آنکھ کا مسئلہ ہے، بانی پی ٹی آئی کو انکھ کے علاج کے لیے ہسپتال لایا جارہا ہے، ایک سال سے سزا معطلی کی درخواست زیر التواء ہے،5 بار متفرق درخواستیں دائر کی گئی ہیں،ہماری استدعا ہے کہ ہمارے کیسز سن لیں ،
190 ملین پاؤنڈ کیس میں بانی اور بشری بی بی کی سزا معطلی کی درخواستیں 11 مارچ کو سماعت کے لیے مقرر کرنے کی ہدایت کر دی،عدالت نے جلد سماعت کے لیے مقرر کرنے کی درخواست پر احکامات جاری کردیے،سلمان صفدر نے کہا کہ اب یہ معاملہ جلدی سماعت کا بھی ہے ،پیر کے لئے مقرر کر دیں یا آئندہ ہفتے کے لیے مقرر کر دیں ،عدالت نے استفسار کیا کہ کیلنڈر ہے آپ کے پاس ؟ عدالتی عملے کا کیلنڈر عدالت کو پیش کیا،عدالت نے بانی اور بشری بی بی کی سزا معطلی درخواستیں 11 مارچ مقرر کرنے کا حکم دے دیا،عدالت نے بانی اور بشری بی بی کی سزا معطلی درخواستیں جلد سننے کی استدعا منظور کر لی