اسرائیل و امریکہ کے ایران پر مشترکہ حملے کے بعد ایران نے چار امریکی اڈوں کو نشانہ بنایا ہے
ایرانی سرکاری ذرائع ابلاغ کے مطابق ایران نے امریکی اور اسرائیلی حملوں کے جواب میں خطے میں موجود چار امریکی فوجی اڈوں کو نشانہ بنایا ہے۔ ایرانی خبر رساں ایجنسی فارس نے پاسدارانِ انقلاب کے حوالے سے دعویٰ کیا ہے کہ یہ کارروائیاں ایرانی شہروں پر حالیہ فضائی حملوں کے ردِعمل میں کی گئیں۔ایرانی میڈیا کے مطابق حملوں میں درج ذیل امریکی فوجی تنصیبات کو میزائلوں کے ذریعے نشانہ بنایا گیا
Al Udeid Air Base – قطر میں واقع امریکہ کا سب سے بڑا فضائی اڈہ
Al Salem Air Base – کویت میں امریکی فضائی تنصیب
Al Dhafra Air Base – متحدہ عرب امارات میں قائم امریکی اڈہ
United States Fifth Fleet کا بحری اڈہ – بحرین میں امریکی بحریہ کی مرکزی تنصیب
ایرانی وزیرخارجہ عباس عراقچی نے عراقی ہم منصب سےگفتگو کرتے ہوئے کہا کہ ایران اپنادفاع جاری رکھےگا، ایران ردعمل میں خطے میں تمام امریکی فوجی اڈوں کو نشانہ بنائےگا۔دوسری جانب سربراہ ایرانی نیشنل سکیورٹی کمیشن نے اسرائیل کو پیغام دیا کہ ایران نے تمہیں وارننگ دی، اب جو آگے ہوگا وہ تمہارے ہاتھ میں نہیں ہوگا،امریکا اور اسرائیل کی جانب سے اسرائیل پر حملوں کے جواب میں ایران نے سخت ردعمل دیتے ہوئے اسرائیل پر حملہ کیا۔،عرب میڈیا رپورٹس کے مطابق ایران نے قطر، بحرین، متحدہ عرب امارات، کویت اور سعودی عرب میں امریکی فوجی اڈوں کو نشانہ بنایا۔