ایران پر حملہ نہ کرتے تو جلد ایران کے پاس ایٹم بم ہوتا،ٹرمپ

امریکی صدر ڈونلڈ ٹرمپ کا کہنا ہے کہ ہم ایران کے معاملے میں بہت مضبوط پوزیشن میں ہیں، اگر ہم ایران پرحملہ نہ کرتے تو ایران ہم پرحملہ کردیتا۔

صدر ٹرمپ نے راؤنڈ ٹیبل کانفرنس سے خطاب میں کہا کہ ایرانی کے حملے سے پہلے ہم نے ایران پر حملہ کردیا، ایران پر حملہ نہ کرتے تو جلد ایران کے پاس ایٹم بم ہوتا،ایران کے میزائلوں اور لانچروں کا صفایا کیا جا رہا ہے، ہم نے 47 سال سے جاری قتل عام کو روکا ہے، ایران اپنے پڑوسیوں اور اتحادیوں کو بھی نشانہ بنارہا ہے، ایرانی قیادت کو تیزی سے ختم کیا جارہا ہے، ایران میں جو لیڈر بننا چاہتا ہے مارا جاتا ہے، سابق امریکی صدر اوباما کی ایران سے جوہری ڈیل بہت بری تھی، وینزویلا سے تیل کی آمد شروع ہو گئی ہے، جب پاگل لوگوں کے پاس ایٹمی ہتھیار ہوتے ہیں تو بری چیز ہوتی ہے، ہم ایران کے معاملے میں بہت مضبوط پوزیشن میں ہیں، کسی نے مجھ سے پوچھا کہ 10 میں سے کتنے نمبر دیں گے؟تو میں نے کہا 15 نمبر دوں گا، ہم جنگی محاذ پر بہت اچھا کر رہے ہیں صورتحال دھوکہ سے بھی بہتر ہے