: یومِ استحصالِ کشمیر کے موقع پر پاک فوج کے شعبہ تعلقاتِ عامہ (آئی ایس پی آر) نے کشمیری عوام سے اظہارِ یکجہتی کے لیے نیا ملی نغمہ “آزادی” جاری کر دیا۔
آئی ایس پی آر کے مطابق معروف گلوکار واجد سعید کی آواز میں پیش کیے گئے اس نغمے میں کشمیری عوام کے عزم، امید اور حقِ خودارادیت کی جدوجہد کو خراجِ تحسین پیش کیا گیا ہے،نغمے کے بول “تمہارے ساتھ تھے اور ساتھ ہم رہیں گے” پاکستان اور کشمیری عوام کے درمیان اظہارِ یکجہتی اور حمایت کے پیغام کو اجاگر کرتے ہیں، دھن اور شاعری میں کشمیری عوام کی ثابت قدمی، حوصلے اور بہتر مستقبل کی امید کو نمایاں کیا گیا ہے۔
ویڈیو میں وادیٔ کشمیر کے مناظر کے ساتھ کشمیری عوام کی مشکلات اور ان کے حقِ خودارادیت کے مطالبے کو بھی موضوع بنایا گیا ہےآئی ایس پی آر کا کہنا ہے کہ یہ نغمہ کشمیری عوام کے ساتھ یکجہتی کے عزم کی عکاسی کرتا ہے اور اس بات کا اظہار ہے کہ پاکستان مسئلہ کشمیر کے پرامن اور منصفانہ حل کی حمایت جاری رکھے گا۔