اسرائیل نے حالیہ حالات کے پیش نظر دنیا بھر میں اپنے سفارتی مشنز بند کر دیے ہیں۔
غیر ملکی خبر رساں ادارے کے مطابق اسرائیلی وزارت خارجہ نے تمام ممالک میں قائم سفارت خانوں کو بند کرنے کا اعلان کیا ہے۔ جرمنی میں اسرائیلی سفارت خانے نے بیان جاری کیا ہے کہ قونصلر خدمات معطل کر دی گئی ہیں اور اسرائیلی شہری کسی بھی جارحانہ واقعے کی صورت میں مقامی سیکیورٹی اداروں سے رجوع کریں۔
اعلان میں کہا گیا ہے کہ یہ بندش غیر معینہ مدت تک جاری رہے گی۔دوسری جانب، امریکی صدر نے ایران کو سخت پیغام دیتے ہوئے کہا ہے کہ ایران کو کئی بار معاہدے کا موقع دیا گیا، اب وقت ختم ہو رہا ہے، اس سے پہلے کہ کچھ نہ بچے، ایران کو ڈیل کر لینی چاہیے۔ انہوں نے زور دیا کہ ایران جلد از جلد مذاکرات پر آمادہ ہو۔
متحدہ نے ایران پر حملے کے بہانے ہنگامہ برپا کرنے کی کوشش کی،شرجیل میمن