بجٹ میں جائیداد کی خرید و فروخت پر ٹیکس میں نمایاں کمی کی تجویز دے دی گئی۔
ذرائع کے مطابق آئندہ مالی سال 2026-27 کے بجٹ میں جائیداد کی خرید و فروخت پر عائد ٹیکسوں میں کمی کی تجاویز پر غور کیا جا رہا ہے، جنہیں بجٹ کا حصہ بنایا جا سکتا ہےفائلرز کے لیے غیر منقولہ جائیداد کی خریداری پر ودہولڈنگ ٹیکس کی شرح 1.5 فیصد سے کم کر کے 0.25 فیصد کرنے کی تجویز زیر غور ہے جبکہ جائیداد کی فروخت پر ٹیکس کی شرح 4.5 فیصد سے کم کر کے 1.5 فیصد کرنے کی سفارش بھی تیار کی گئی ہے۔
ذرائع کے مطابق ان تجاویز پر آئی ایم ایف کے ساتھ مذاکرات جاری ہیں تاہم آئی ایم ایف ٹیکسوں میں کمی کی تجاویز پر تحفظات کا اظہار کر رہا ہے حکومتی مؤقف ہے کہ ٹیکسوں میں کمی سے پراپرٹی مارکیٹ میں سرگرمیوں کو فروغ ملے گا، سرمایہ کاری میں اضافہ ہوگا اور تعمیرات سے وابستہ شعبوں میں روزگار کے نئے مواقع پیدا ہوں گے، حکومت کو امید ہے کہ معاشی سرگرمیوں میں اضافے کے نتیجے میں مجموعی ٹیکس وصولیوں میں بھی بہتری آئے گی۔