کلر کہار میں تلہ گنگ روڈ پر واقع پاک مشہدی کراکری اسٹور میں اچانک آگ بھڑک اٹھی۔ اطلاع ملتے ہی ریسکیو 1122 چکوال نے فوری طور پر قریبی پوائنٹ سے ایمبولینس سروس اور سنٹرل اسٹیشن سے فائر وہیکل جائے وقوعہ کی طرف روانہ کر دی۔ریسکیو ٹیمیں موقع پر پہنچ کر سین اسیسمنٹ کے بعد فوری طور پر فائر فائٹنگ کا عمل شروع کر دیا۔ ریسکیو اہلکاروں نے تقریباً 20 سے 25 منٹ کی مسلسل جدوجہد کے بعد آگ پر مکمل قابو پا لیا، جبکہ بعد ازاں کولنگ کا عمل بھی جاری رکھا گیا تاکہ آگ دوبارہ بھڑکنے کا خدشہ ختم کیا جا سکے۔ریسکیو 1122 کے بروقت اور مؤثر رسپانس کی بدولت ایک بڑے سانحے سے بچاؤ ممکن ہوا۔ ابتدائی اطلاعات کے مطابق آگ لگنے کی وجہ شارٹ سرکٹ بتائی جا رہی ہے، تاہم مزید تحقیقات جاری ہیں تاکہ واقعے کی اصل وجوہات معلوم کی جا سکیں۔
رپورٹ: فیضان شیخ، باغی ٹی وی
کلر کہار: پاک مشہدی کراکری اسٹور میں آگ، ریسکیو 1122 کی فوری کارروائی سے بڑا نقصان ٹل گیا
