ہم ادھر کھڑے رہے تو افسر آجائے گا پھر میرے ہاتھ سے بات نکل جائے گی، جلدی سے پیسے دو، کراچی کے انتہائی ریڈزون علاقے میں پولیس اہلکار کی موٹر سائیکل سوار سے رشوت طلب کرنے کی خفیہ ویڈیو سامنے آ گئی۔ تفصیلات کے مطابق شہر قائد کے علاقے شاہراہ فیصل کے قریب پولیس اہلکار کی شہری سے رشوت طلب کرنے کی ویڈیو منظر عام پر آگئی۔
نجی ٹیلی ویژن چینل کےمطابق کراچی کے انتہائی ریڈ زون آواری ٹاور کے قریب پولیس اہلکار نے موٹر سائیکل نوجوانوں سے رشوت طلب کی اس دوران ایک نوجوان نے پولیس اہلکار کی خفیہ ویڈیو بنالی۔
ویڈیو میں دیکھا جاسکتا ہے کہ پولیس اہلکار نے شہری سے پہلے دو ہزار روپے طلب کیے پھر کہنے لگا کہ پانچ سو روپے سے ایک روپیہ بھی کم نہیں ہوگا۔
کراچی کے انتہائی ریڈ زون میں پولیس اہلکار کی رشوت لینے کی ویڈیو سامنے آگئی
