ایران میں ہونے والے ایک میزائل حملے کے نتیجے میں کراچی کے علاقے ماڑی پور سے تعلق رکھنے والا 26 سالہ نوجوان یاسر خان جاں بحق ہو گیا، جس سے اہل خانہ میں کہرام مچ گیا۔
خاندانی ذرائع کے مطابق یہ واقعہ ایران کی اہم بندرگاہ بندر عباس پر پیش آیا جہاں یاسر خان ایک ٹگ بوٹ پر ڈیوٹی انجام دے رہا تھا۔ بتایا گیا ہے کہ اچانک ہونے والے میزائل حملے کے دوران وہ شدید زخمی ہوا اور جانبر نہ ہو سکا۔
یاسر کے بھائی واجد خان کے مطابق یہ افسوسناک واقعہ 23 مارچ کی رات پیش آیا جب وہ معمول کے مطابق اپنی ڈیوٹی پر موجود تھا۔ حملہ اچانک ہوا جس نے کئی افراد کو متاثر کیا۔
اہل خانہ نے حکومت سے مطالبہ کیا ہے کہ یاسر کی میت کو جلد از جلد پاکستان لانے کے لیے اقدامات کیے جائیں اور متاثرہ خاندان کو ہر ممکن تعاون فراہم کیا جائے۔
یہ واقعہ اس بات کی بھی نشاندہی کرتا ہے کہ بیرون ملک کام کرنے والے پاکستانی شہری بھی خطے میں جاری کشیدگی سے محفوظ نہیں ہیں اور انہیں غیر یقینی صورتحال کا سامنا کرنا پڑ رہا ہے۔
ایران میں میزائل حملہ، کراچی کا نوجوان جاں بحق
