قصور (طارق نوید سندھو سے) حبیب آباد ٹول پلازہ کے قریب نیازی ایکسپریس کی ایک بس میں آگ بھڑک اٹھی۔ خوش قسمتی سے اس حادثے میں کوئی جانی نقصان نہیں ہوا۔
فائر بریگیڈ اور ریسکیو 1122 کا عملہ فوری طور پر موقع پر پہنچ گیا اور آگ بجھانے کے لیے کام شروع کر دیا۔ ابتدائی اطلاعات کے مطابق آگ بس کے ٹائر کے زیادہ گرم ہونے (ہیٹ ہونے) کی وجہ سے بھڑکی، جس کے نتیجے میں شعلے تیزی سے پھیل کر پوری بس کو اپنی لپیٹ میں لے لیا۔
تاہم، آگ لگنے کی مصدقہ وجہ ابھی تک سامنے نہیں آ سکی۔ پولیس اور متعلقہ حکام تحقیقات کر رہے ہیں۔ مزید تفصیلات کا انتظار ہے۔