بارش،تیز ہوائیں،لاہور ایئر پورٹ پر فلائٹ آپریشن متاثررہا

پنجاب کے صوبائی دارالحکومت لاہور میں بارش اور تیز ہواؤں کے سبب فلائٹ آپریشن کئی گھنٹے تک متاثر رہا ہے

گزشتہ شب بارش اور تیزہواؤں کی وجہ سے لاہور ایئر پورٹ پر پروازیں تاخیر کا شکار ہوئیں،کئی پروازوں کو دوسرے ایئر پورٹ پر اتارا گیا ، ایوی ایشن ذرائع کے مطابق صبح 3 سے 4 بجے کے دوران تیز ہواؤں اور بارش کے دوران لاہور ائیرپورٹ کا فلائٹ آپریشن فعال نہ رکھا جاسکا اور صبح 4 بجے فلائٹس نے لینڈ کیا، اس دوران تین پروازوں کو ملتان اور پشاور اتارا گیا ، ابوظبی اور بحرین سے لاہور آنیوالی پروازوں کو موسم کی خرابی کی وجہ سے ملتان ایئر پورٹ اتارا گیا، ریاض سے آنے والی غیر ملکی ائیر لائن کی پرواز کو پشاور اتارا گیا بعد ازاں یہ پروازیں موسم ٹھیک ہونے پر لاہور پہنچیں۔

قطر ائیرویز کی دوحہ کی پرواز 7 گھنٹے کی تاخیر سے لاہور پہنچی جب کہ درجن سے زائد دیگر غیر ملکی پروازیں کی آمد اور روانگی میں بھی تاخیر ہورہی ہے