قصور
لیسکو سب ڈویژن بہادر پورہ کی غفلت سے ایک اور قیمتی جان چلی گئی
تفصیلات کے مطابق قصور لیسکو واپڈا کی سب ڈویژن بہادر پورہ کی غفلت نے ایک اور جان کو نگل لیا
ماں باپ کا نوجوان بیٹا کرنٹ لگنے سے چل بسا
قصور کے سب سے قریب گاؤں کھارا کے محلہ جھگیاں کا رہائشی محمد بلال ولد محمد وارث، عمر اٹھارہ سال، رہائشی محلہ جھگیاں، گزشتہ دن واپڈا کی ناقص تنصیبات کی وجہ سے کرنٹ لگنے سے اپنی جان گنوا بیٹھا
واضع رہے کہ یہاں بجلی کی تاریں سڑک سے چھ سے سات فٹ اونچی ہیں جو نہ صرف خطرناک ہیں بلکہ کئی بار مقامی لوگوں کو کرنٹ لگنے کے واقعات بھی ہوچکے ہیں
اس کے باوجود متعلقہ واپڈا حکام نے انسانی جان کو اہمیت نہیں دی
یہ سوال پیدا ہوتا ہے کہ اس نوجوان کا قاتل کون ہے؟ لائن مین، لائن سپرنٹنڈنٹ، ایس ڈی او، ایس ای واپڈا قصور یا پھر تقدیر؟
مقامی لوگ ہر بار یہی سوال دہراتے ہیں، کہ کب تک کرپٹ محکمے واپڈا کی وجہ سے اپنے پیاروں کے جنازے اٹھاتے رہیں گے؟
یہ واقعہ محض ایک حادثہ نہیں بلکہ انسانی زندگیوں کی حفاظت میں حکومتی اداروں کی ناکامی کا عکس ہے
ایسے حالات میں شفاف تحقیقات اور ذمہ داران کے خلاف فوری کارروائی ناگزیر ہے تاکہ مستقبل میں کسی اور گھر میں اسی طرح کا ماتم نہ ہو