ملائیشیا کے وزیر اعظم مہاتیر محمد نے ان خبروں کی تردید کر دی ہے جن کے مطابق بھارتی وزیراعظم مودی نے ذاکر نائیک کی بھارت حوالگی کا مطالبہ کیا تھا۔مہاتیر محمد نے کہا کہ مودی نے ذاکر نائک کو ہندوستان بھیجنے کا مطالبہ نہیں کیا ہے۔
مہاتیر ، مودی ملاقات میں کن امور پر ہوئی بات….خبر آ گئی
مہاتیر محمد نے ذاکر نائک کو بھارت حوالگی کے امکانات کو لے کر پوچھے گئے سوال کے جواب میں کہا کہ ”بیشتر ممالک اسے اپنے پاس نہیں رکھنا چاہتے۔ میں وزیر اعظم مودی سے ملا ہوں، انھوں نے بھی اس کا مطالبہ نہیں کیا۔ یہ شخص ہندوستان کے لیے بھی پریشانی کا باعث بن سکتا ہے۔“
مہاتیر محمد نے مزید کہا کہ ”ذاکر نائک اس ملک کا شہری نہیں ہے، اسے گزشتہ حکومت نے مستقل شہری کا درجہ دیا تھا۔ مستقل شہری کو ملک کے سسٹم اور سیاست کے بارے میں تبصرہ نہیں کرنا چاہیے، اس نے اس کی خلاف ورزی کی ہے، اس لیے اب اسے بولنے کی اجازت نہیں ہے۔“