ملیر جیل میں اہم شخصیت کے بیٹے کی منگنی کی تقریب پر حکام نے نوٹس لیتے ہوئے ملیر جیل کے سپرنٹنڈنٹ کو معطل کر دیاہے۔ذرائع کے مطابق سینئر سپرنٹنڈنٹ ملیر جیل محمد اسلم ملک کو جیل کے اندر نجی تقریب کی سہولت کاری پر معطل کیا گیاہے۔
ذرائع کے مطابق چند روز قبل جیل میں قید ایک بااثر شخصیت کے بیٹے منگنی کی تقریب کا انعقاد کیا گیا تھاتقریب میں بااثر شخصیت کے دوست اور رشتہ داروں نے شرکت کی تھی جیل عملے نے تقریب میں مکمل سہولت کاری کی تھی۔واقعے کا حساس ادارے نے نوٹس لیاتھا، جس پر کارروائی کرکے جیل سپرنٹنڈنٹ کو معطل کردیاگیاہے۔