پاکستان تحریک انصاف کے بانی چیئرمین عمران خان کی آنکھوں کا معائنہ کرنے والی میڈیکل ٹیم نے علاج پر اطمینان کا اظہار کیا ہے۔
میڈیا رپورٹس کے مطابق میڈیکل ٹیم نے اتوار کے روز اڈیالہ جیل کا دورہ کیا ٹیم نے سابق وزیرِ اعظم کی دائیں آنکھ کے علاج کو تسلی بخش قرار دیا اور بتایا کہ علاج کے نتیجے میں حالت میں بہتری آئی ہے جبکہ مکمل صحتیابی کا بھی امکان موجود ہے.
ماہر ڈاکٹروں کی ٹیم نے اڈیالہ جیل میں تقریباً ایک گھنٹے تک پی ٹی آئی بانی کا طبی معائنہ کیا ذرائع کے مطابق ڈاکٹر اپنی تفصیلی رپورٹ مکمل کرنے کے بعد حکومت کو پیش کریں گے،اس سے قبل 5 رکنی پینل نے آنکھوں کا معائنہ کیا، جو تقریباً ایک گھنٹہ جاری رہا ٹیم میں ڈاکٹر رفعت، ڈاکٹر سکندر اور ڈاکٹر عارف سمیت دیگر ماہرین شامل تھے۔
ذرائع کا کہنا ہے کہ ڈاکٹروں نے پی ٹی آئی قیادت کے نمائندوں کا تقریباً ڈھائی گھنٹے انتظار کرنے کے بعد معائنہ شروع کیا، تاہم طبی جانچ کے دوران کوئی بھی پی ٹی آئی رہنما موجود نہیں تھا اس سے قبل جیل سپرنٹنڈنٹ نے تصدیق کی تھی کہ ڈاکٹر طبی آلات اور ادویات کے ہمراہ جیل پہنچے تھے اور جلد ایک مفصل رپورٹ تیار کی جائے گی، پی ٹی آئی بانی کے علاج سے متعلق ابتدائی طبی رپورٹ پنجاب ہوم ڈیپارٹمنٹ کو ارسال کر دی گئی ہے۔