شدید دھند کے باعث موٹر وے مختلف مقامات سے بند

شدید دھند کے باعث موٹر وے کو مختلف مقامات سے بند کر دیا گیا-

موٹروے پولیس نے لاہور- سیالکوٹ موٹروے کو شدید دھند کے باعث بند کر دیا ہےترجمان موٹروے پولیس کے مطابق موٹروے ایم 3 فیض پور سے سمندری تک دھند کی وجہ سے بند کر دیا گیا ہے تاکہ ممکنہ حادثات سے بچا جا سکے۔

ترجمان سنٹرل ریجن نے بتایا کہ موٹروے ایم 4 پنڈی بھٹیاں سے فیصل آباد جبکہ موٹروے ایم 2 لاہور سے کوٹ مومن تک دھند کی وجہ سے بند کردی ہےدھند میں لین کی خلاف ورزی انتہائی خطرناک ہے اور یہ حادثات کا سبب بن سکتی ہے، ڈرائیورز اور مسافروں سے اپیل کی گئی ہے کہ وہ موٹروے پراحتیاطی تدابیر اختیار کریں اور صرف محفوظ اوقات میں سفر کریں۔

شمالی کوریا کا اسٹریٹجک کروز میزائل کا تجربہ

موٹروے پولیس نے واضح کیا کہ دھند میں محفوظ سفر کے لیے صبح 10 بجے سے شام 6 بجے تک کا وقت موزوں ہے، اس دوران ڈرائیورز کی توجہ اور رفتار پر خصوصی توجہ دینا ضروری ہےشہریوں کو ہدایت دی گئی ہے کہ وہ ہنگامی صورتحال میں پولیس اور ہیلپ لائنز سے رابطہ کریں-

مجرمانہ سرگرمیاں: گزشتہ پانچ برسوں میں سعودی عرب سے ہزاروں بھارتی ملک بدر