احسان اللہ ایاز باغی ٹی وی نامہ نگار ننکانہ صاحب
رفاہ انٹرنیشنل کالج اور پریس کلب ننکانہ صاحب کے مابین مفاہمتی یادداشت پر دستخط کرنے کی تقریب کا انعقاد کیا گیا، پریس کلب ننکانہ صاحب کے ممبران کے لئے فیسوں میں پچاس فی صد تک رعائیت ہوگی
رفاہ انٹرنیشنل کالج ننکانہ صاحب کیمپس اور پریس کلب ننکانہ صاحب کے مابین مفاہمتی یادداشت پر دستخط کرنے کی تقریب پریس کلب میں منعقد ہوئی، صدر پریس کلب ننکانہ صاحب چوہدری افضل حق خان اور ڈائریکٹر رفاہ انٹرنیشنل کالج ننکانہ صاحب کیمپس حافظ محسن سعید نے مفاہمتی یاداشت پر دستخط کئے، تقریب میں جنرل سیکرٹری پریس کلب محمد آصف بھٹی، سینئر نائب صدر و صدر پاکستان چیمبر آف ایجوکیشن ننکانہ صاحب قیصر عرفان چوہدری، سینئیرصحافیوں چوہدری محمد رمضان، چوہدری محمد کامران، طارق محمود چوہدری اور محمد ارشد ڈوگر جاوید احمد معاویہ شیخ سلمان محمد طاہر سمیع اللہ عثمانی احسان اللہ ایاز عابد حمید رحمانی سمیت دیگر ممبران جبکہ کیمپس مینجر پروفیسر عبدالراوف چشتی اور وائس پرنسپل پروفیسر فریاد احمد بھی موجود تھے، تقریب سے خطاب کرتے ہوئے حافظ محسن سعید نے کہا کہ رفاہ کالج و یونیورسٹی ملک بھر میں گزشتہ ستائیس سال سے میدان علم میں اپنی خدمات سر انجام دے رہا ہے، رفاہ کالج ننکانہ صاحب کیمپس میں 17 مختلف شعبوں میں کلاسز جاری ہیں، انہوں نے کہا کہ میڈیا ریاست کا چوتھا ہے اور صحافی سارا دن سچ کی تلاش اور مسائل کو اجاگر کرنے کے لئے اپنی خدمات سر انجام دیتے ہیں، رفاہ کالج ننکانہ صاحب کیمپس میں پریس کلب ننکانہ صاحب کے تمام ممبران اور ان کے بچوں کے لئے فیس میں پچاس فی صد تک رعائیت ہوگی جبکہ دیگر واجبات میں بھی ان کو خصوصی رعایت دی جائے گی تاکہ ان کے بچے بھی معیاری تعلیم باآسانی حاصل کر سکیں، پریس کلب ننکانہ صاحب کے عہدیدران اور ممبران نے مفاہمتی یادداشت پر رفاہ کالج انتظامیہ کا شکریہ ادا کیا۔