قصور
قانون نافذ کرنے والے اداروں کی مشترکہ موک ایکسرسائز، پال میموریل چرچ میں فرضی دہشت گردی کی کوشش ناکام
تفصیلات کے مطابق قصور پولیس کی جانب سے ہنگامی صورتحال سے نمٹنے کی صلاحیت جانچنے کے لیے شہر میں ایک ہمہ گیر موک ایکسرسائز کا انعقاد کیا گیا جس میں پولیس، سی ٹی ڈی، ٹریفک پولیس، ریسکیو 1122، سول ڈیفنس اور دیگر اداروں نے بھرپور حصہ لیا
فرضی مشق کے دوران پال میموریل چرچ قصور میں دہشت گردی کی ایک مذموم کارروائی کو بروقت ردعمل دے کر ناکام بنایا گیا
مشق میں دہشت گردوں کے داخلے، شہریوں کے انخلاء، سرچ آپریشن اور کلیئرنس کی کارروائیوں کا عملی مظاہرہ کیا گیا
پولیس حکام کے مطابق تمام قانون نافذ کرنے والے ادارے کسی بھی ہنگامی صورتحال سے نمٹنے کے لیے ہمہ وقت تیار ہیں، جبکہ اس مشق کا مقصد ریئل ٹائم رسپانس کو مزید مؤثر بنانا تھا
اداروں کے باہمی رابطے، رفتار اور پیشہ ورانہ مہارت کو سراہتے ہوئے کہا گیا کہ ایسی مشقیں سکیورٹی اداروں کی استعداد کار میں اضافہ کرتی ہیں اور شہریوں کے احساسِ تحفظ کو بھی مضبوط بناتی ہیں