احسان اللہ ایاز باغی ٹی وی نامہ نگار ننکانہ صاحب
چیف ایگزیکٹو آفیسر ڈسٹرکٹ ایجوکیشن اتھارٹی ننکانہ شازیہ بانو نے لاہور بورڈ میٹرک سالانہ امتحان 2026 میں گورنمنٹ گرلز بنات الاسلام ہائی سکول واربرٹن کی ہونہار طالبہ حمنہ ایمن کو 1186 نمبر حاصل کرنے پر شاباش اور مبارکباد دی
سی ای او ایجوکیشن ننکانہ نے کہا کہ حمنہ ایمن کی یہ شاندار کامیابی ضلع ننکانہ کے سرکاری تعلیمی اداروں کے لیے باعثِ فخر ہے اور دیگر طلبہ و طالبات کے لیے بہترین مثال ہے۔سی ای او ایجوکیشن شازیہ بانو نے لاہور بورڈ میٹرک سالانہ امتحان 2026 میں بہترین کارکردگی کا مظاہرہ کرنے والے ضلع بھر کے تمام طلبہ و طالبات، ان کے والدین، اساتذہ کرام، سکول سربراہان اور تدریسی عملے کو بھی مبارکباد پیش کرتے ہوئے کہا کہ یہ کامیابی طلبہ کی محنت، اساتذہ کی لگن، سکول سربراہان کی مؤثر قیادت اور والدین کی رہنمائی کا ثمر ہیں۔انہوں نے کہا کہ بہترین نمبروں کے ساتھ کامیابی حاصل کرنے والے تمام طلبہ و طالبات ہماری بھرپور ستائش کے مستحق ہیں، جبکہ جو طلبہ اپنی توقعات کے مطابق نتائج حاصل نہیں کر سکے وہ مایوس نہ ہوں بلکہ مزید محنت اور مستقل مزاجی کے ساتھ اپنی تعلیمی جدوجہد جاری رکھیں۔سی ای او ایجوکیشن شازیہ بانو نے مزید کہا کہ ڈسٹرکٹ ایجوکیشن اتھارٹی ننکانہ صاحب معیاری تعلیم کے فروغ، بہترین تعلیمی ماحول کی فراہمی اور طلبہ و طالبات کی ترقی کے لیے اپنی کاوشیں آئندہ بھی جاری رکھے گی۔