اوکاڑہ(نامہ نگار ملک ظفر)ضلعی انتظامیہ کھیلوں کی ترقی و ترویج کے لیے پرعزم، دیپالپور چوک اوور ہیڈ برج کے نیچے سپورٹس ایرینا کی افتتاحی تقریب کا انعقاد کیا گیا ۔ ایم پی اے میاں محمد منیر نے ایڈیشنل ڈپٹی کمشنر جنرل احمد سلیم چشتی سپورٹس ایرینا کا افتتاح کر دیا۔
اس موقع پر اسسٹنٹ کمشنر مرزا راحیل بیگ چیف آفیسر میونسپل کمیٹی عمر نسیم اور ڈسٹرکٹ سپورٹس آفیسر محمد اشفاق بھی موجود تھے۔ ممبر صوبائی اسمبلی میاں محمد منیر نے کہا کہ وزیراعلیٰ پنجاب مریم نواز شریف کے ویژن کے مطابق حکومت پنجاب کھیلوں کی ترقی کے لیے پر عزم ہے۔ وزیراعلیٰ کے احکامات کے مطابق مختلف شہروں میں اوور ہیڈ برجز کے نیچے سپورٹس ایرینا بنائے جا رہے ہیں۔ انہوں نے کہا کہ جسمانی کھیلوں کی ماند پڑتی سرگرمیاں پروان چڑھیں گی۔ سپورٹس ایرینا سے بیڈمنٹن اور والی بال کے کھیلوں کو فروغ ملے گا۔ ایڈیشنل ڈپٹی کمشنر جنرل احمد سلیم چشتی نے کہا کہ اوور ہیڈ برج کے نیچے کوڑے کے ڈھیر ختم کرکے سپورٹس ایرینا میں بدل دیا گیا ہے۔ اس نوعیت کی دو مزید جگہوں پر سپورٹس ایرینا بنایا جائے گا۔