آسکر جیتنے والی فلم پیراسائٹ میری فلم سے چرائی گئی ہے بھارتی پروڈیوسر

تاریخ میں پہلی بار بہترین فلم کا آسکر جیتنے والی غیر ملکی فلم پیراسائٹ ان کی فلم سے چرائی گئی ہے اور وہ کورین ڈایریکٹر کے خلاف مقدمہ دائر کریں گے بھارتی پروڈیوسر کا دعوی

باغی ٹی وی کی رپورٹ کے مطابق بھارتی پروڈیوسر نے دعوی کیا ہے کہتاریخ میں پہلی بار بہترین فلم کا آسکر جیتنے والی غیر ملکی فلم پیراسائٹ ان کی فلم سے چرائی گئی ہے اور وہ کورین ڈایریکٹر کے خلاف مقدمہ دائر کریں گے

تامل پروڈیوسر پی ایل تھیناپن کے مطابق جنوبی کوریا کی فلم پیراسائٹ کی کہانی 1999میں ریلیز ہونے والی ان کی تامل فلم منسارا کنّا سے چرائی گئی ہے

کوریئن فلم ساز بونگ جون ہو کی فلم پیراسائٹ آسکر کی تاریخ کی پہلی غیرملکی فلم ہے جس نے آسکر کے 4 ایوارڈز اپنے نام کئے جسے بہترین فلم کا بہترین ہدایت کاری، بہترین اسکرین پلے اور بہترین غیرملکی فلم کا اعزاز ملا

دوسری جانب منسارا کنّا کے ہدایت کار روی کمار نے کہا ہے کہ انہیں اپنی کہانی کو آسکر ملنے کی خوشی ہےجبکہ فلم بینوں کا کہنا ہے کہ تامل پروڈیوسر کا دعوی مضحکہ خیز ہے دونوں فلم کی کہانیاں بالکل الگ ہیں تامل فلم میں ہیرو کے خاندان کے افراد ہیروئین کارشتہ حاصل کرنے کے لیے ایک گھر میں ملازمت کرتے ہیں جبکہ پیراسائٹ فلم بلیک کامیڈی ہے جس میں ایک نچلے طبقے کا خاندان گزر بسر کے لیے ایک انتہائی امیر گھر میں ملازمت اختیار کرتا ہےاور اپنی شناخت اور باہمی رشتے چھپانے کی کوشش کرتا ہے