اسلام آباد: قومی اسمبلی نے پاکستان کی سفارتی کامیابی پر متفقہ قرارداد منظور کرتے ہوئے سول و عسکری قیادت کوخراجِ تحسین پیش کیا ہے۔ قرارداد وزیر قانون اعظم نذیر تارڑ نے ایوان میں پیش کی، جسے تمام ارکان کی حمایت سے منظور کر لیا گیا۔
قرارداد میں امریکا اور ایران کے درمیان امن و استحکام کے تاریخی معاہدے کا خیرمقدم کرتے ہوئے اسے عالمی امن کے فروغ کی جانب ایک اہم پیش رفت قرار دیا گیا۔ ایوان نے جنگ بندی اور امن فریم ورک معاہدے کو خطے اور دنیا میں استحکام کے لیے مثبت قدم قرار دیا۔قومی اسمبلی نے وزیراعظم شہباز شریف، اسحاق ڈار، محسن نقوی اور عاصم منیر کی سفارتی کاوشوں کو سراہتے ہوئے کہا کہ پاکستان نے عالمی سطح پر ایک قابلِ اعتماد اور غیر جانبدار ثالث کے طور پر اپنی شناخت مضبوط کی ہے۔قرارداد میں مذاکراتی عمل میں شامل پوری پاکستانی ٹیم کی خدمات کو بھی خراجِ تحسین پیش کیا گیا جبکہ امریکا اور ایران کی قیادت کو تاریخی امن معاہدے کی تکمیل پر مبارکباد دی گئی۔ایوان نے اس معاہدے کو علاقائی امن، معاشی استحکام اور توانائی کے تحفظ کے لیے خوش آئند قرار دیتے ہوئے پاکستان کی امن کوششوں کی بھرپور حمایت کا اظہار کیا۔ قرارداد میں کہا گیا کہ پاکستان کی کامیاب سفارتکاری عالمی سطح پر ملک کے مثبت، تعمیری اور ذمہ دار کردار کا مظہر ہے
سپیکر قومی اسمبلی سردار ایاز صادق نے اظہار خیال کرتے ہوئے کہا کہ وزیراعظم محمد شہباز شریف کو تاریخی سفارتی کامیابی پر مبارکباد پیش کرتے ہیں، اسلام آبادمفاہمتی یادداشت پر دستخط پاکستان کے لیے سفارتی سنگ میل ہے، وزیراعظم محمد شہباز شریف کی قیادت میں پاکستان کا عالمی وقار بلند ہوا، گزشتہ روز پوری پاکستانی قوم کے لیے باعثِ فخر تھا،تاریخی سفارتی کامیابی میں فیلڈ مارشل عاصم منیر کی خدمات قابل ستائش ہیں،تاریخی سفارتی کامیابی میں اسحاق ڈاراور محسن نقوی کی خدمات بھی قابلِ ستائش ہے،وزارت خارجہ اور وزیراعظم کی ٹیم کی کاوشیں بھی لائقِ تحسین ہیں،پاکستان کو ایسی سفارتی کامیابی پہلے کبھی حاصل نہیں ہوئی،