پاک بحریہ نے شمالی بحیرہ عرب میں ایک کامیاب سرچ اینڈ ریسکیو آپریشن کے دوران 18 افراد پر مشتمل غیر ملکی عملے کو بحفاظت بچا لیا۔ یہ کارروائی اس وقت عمل میں آئی جب تجارتی بحری جہاز “ایم وی گولڈ آٹم” سے ہنگامی سگنل موصول ہوا۔
پاک فوج کے شعبہ تعلقات عامہ (آئی ایس پی آر) کے مطابق ہنگامی اطلاع ملتے ہی پاک بحریہ نے فوری کارروائی کرتے ہوئے علاقے میں سرچ آپریشن شروع کیا۔ اس دوران پاک بحریہ کے جہاز پی این ایس حنین نے پیشہ ورانہ مہارت کا مظاہرہ کرتے ہوئے تمام افراد کو بحفاظت ریسکیو کر لیا۔
آئی ایس پی آر کے مطابق ریسکیو کیے گئے افراد کا تعلق مختلف ممالک سے ہے جن میں چین، بنگلادیش، میانمار، ویتنام اور انڈونیشیا شامل ہیں۔ کارروائی کے دوران بحریہ کی ماہر ٹیم نے نہ صرف عملے کو محفوظ مقام پر منتقل کیا بلکہ انہیں فوری طبی امداد بھی فراہم کی۔
حکام کا کہنا ہے کہ جہاز پر آگ لگنے کے خدشے کے پیش نظر ریسکیو ٹیم نے آگ بجھانے میں بھی مدد فراہم کی اور صورتحال کو قابو میں رکھا۔ اس کے ساتھ ساتھ جہاز کو پہنچنے والے نقصان کا بھی جائزہ لیا گیا تاکہ مزید خطرات سے بچا جا سکے۔
ریسکیو کیے گئے تمام افراد کو بعد ازاں بحفاظت کراچی منتقل کر دیا گیا ہے جہاں انہیں مزید طبی سہولیات فراہم کی جا رہی ہیں اور ان کی اپنے ممالک واپسی کے انتظامات کیے جا رہے ہیں۔
آئی ایس پی آر کے مطابق پاک بحریہ ہر قسم کی ہنگامی صورتحال سے نمٹنے کے لیے ہمہ وقت تیار ہے اور سمندری حدود میں انسانی جانوں کے تحفظ کو اولین ترجیح دیتی ہے۔
یہ کامیاب آپریشن پاک بحریہ کی پیشہ ورانہ صلاحیتوں اور فوری ردعمل کی
پاک بحریہ کا شاندار ریسکیو آپریشن، 18 غیر ملکی عملہ محفوظ
