محنت کشوں کی تنخواہوں میں خاطر خواہ اضافہ کیا جائے، خالد مسعود سندھو

پاکستان مرکزی مسلم لیگ کے صدر خالد مسعود سندھو نے یکم مئی محنت کشوں کے عالمی دن کے موقع پر کہا کہ کسی بھی ملک کی ترقی میں مزدوروں اور محنت کشوں کا بنیادی کردار ہوتا ہے لیکن افسوس کے ساتھ کہنا پڑ رہا ہے کہ موجود ملکی نظام محنت کشوں اور مزدوروں کو معاشی ریلیف دینے میں بالکل ناکام ہوچکا ہے

خالد مسعود سندھو کا کہنا تھا کہ دنیا بھر میں ریاست کی جانب سے محنت کشوں اور ان کے اہل خانہ کو معیاری سہولیات فراہم کی جاتی ہیں مگر بدقسمتی سے ہمارے ملک میں مزدور طبقے کو قیامِ پاکستان سے لے کر اب تک انکے بنیادی حقوق نہیں ملے ہیں انہوں نے مزید کہا کہ گزشتہ 75 برسوں سے پاکستان کے اقتدار پر قابض جاگیر داروں، وڈیروں اور سرمایہ داروں نے ملک کے مزدور طبقے کو اپنا غلام بنا کر رکھا ہوا ہے آج حکمرانوں کی نا اہل پالیسیوں کے سبب سرکاری اداروں اور صنعتوں کی ڈاؤن سائزنگ کر کے ہزاروں مزدوروں کو ملازمتوں سے نکالا جا چکا ہے،

خالد مسعود سندھو کا کہنا تھا کہ پاکستان مرکزی مسلم لیگ خدمت کی سیاست کی روایت کو برقرار رکھتے ہوئے اپنے مزدور اور محنت کش بھائیوں کے ساتھ کھڑی ہے اور ان کو معاشی ریلیف فراہم کرنے کے لئے اپنی مدد آپ کے تحت کوشش جاری رکھے ہوئے ہے انہوں نے مزید کہا کہ آج تک پاکستان میں محنت کشوں کو وہ بنیادی حقوق فراہم نہیں کئے گئے ہیں جو دنیا بھر کے تہذیب یافتہ ممالک کے مزدور طبقے کو میسر ہیں یہی وجہ ہے کہ آج پاکستان معاشی لحاظ سے بھی پستی کا شکار ہے- ہم حکومت سے مطالبہ کرتے ہیں کہ محنت کشوں کو ان کے بنیادی حقوق سمیت ان کی تنخواہوں میں خاطر خواہ اضافہ کیا جائے تاکہ اس مہنگائی کے دور میں مزدور اور محنت کش اپنی فیملی کا با آسانی پیٹ پال سکیں

خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی