پی کے 79 ضمنی الیکشن میں ن لیگ کے امیدوار جلال خان کی کامیابی کو درست قرار دے دیا گیا۔
پی ٹی آئی کے امیدوار تیمور سلیم جھگڑا نے ن لیگ کے امیدوار جلال خان کی کامیابی کو کالعدم قرار دینے کے لیے انتخابی عذرداری دائر کی تھی جس میں موقف اپنایا تھا کہ ن لیگ کے جلال خان دھاندلی سے کامیاب ہوئے، فارم 45 کے تحت تیمور سلیم جھگڑا بھاری اکثریت سے کامیاب ہوئے مگر جلال خان کو فارم 47 کے تحت کامیاب قرار دے دیا گیا۔
درخواست گزار نے کہا کہ ریٹرننگ آفیسر کو بھی درخواست دی جو مسترد کردی گئی، اس وجہ سے وہ انتخابی عذرداری الیکشن ٹریبونل کے سامنے لے آئے۔
بھارتی فوج کی تشہیری ویڈیو سوشل میڈیا پر مذاق بن گئی
وکیل ن لیگ نے عدالت میں دلائل میں کہا کہ درخواست گزار نے بہت سے اہم قانونی نکات کو نظرانداز کیا ہے، الیکشن پٹیشن میں متعدد غلطیاں کی گئی ہیں،درخواست گزار نے درخواست میں والد کا نام ہی غلط لکھا ہے، الیکشن رولز کے مطابق انتخابی عذرداری میں تمام حقائق فائل پر درست لانا ہوں گے، والد کے غلط نام کے ساتھ درخواست دی گئی اور دیگر قانونی تقاضے بھی پورے نہیں کیے گئے اس لیے تکنیکی بنیادوں پر اس انتخابی عذردار ی پر کارروائی جاری نہیں رکھی جاسکتی۔
دلائل سننے کے بعد عدالت نے تیمور سلیم جھگڑا کی انتخابی عذرداری خارج کردی اور جلال خان کی کامیابی کو درست قرار دے دیا ۔
پیسوں کیلئے ماں بیٹی کو نازیبا ویڈیوز سے ہراساں کرنیوالا ملزم گرفتار