وزیراعظم شہباز شریف اور ایران کے صدر مسعود پزشکیان کے درمیان ٹیلیفونک رابطہ ہوا، جس میں دوطرفہ تعلقات اور خطے کی بدلتی ہوئی صورتحال پر تفصیلی تبادلہ خیال کیا گیا۔
جمعرات کو ہونے والی گفتگو میں دونوں رہنماؤں نے موجودہ علاقائی حالات کا جائزہ لیا اور خطے میں امن، سلامتی اور ترقی کے لیے مذاکرات اور سفارتی رابطوں کی اہمیت پر اتفاق کیا۔
وزیراعظم شہباز شریف نے اس بات پر زور دیا کہ پائیدار امن کے لیے بات چیت اور سفارتی ذرائع کا تسلسل ناگزیر ہے۔
دونوں رہنماؤں نے پاکستان اور ایران کے درمیان دوطرفہ تعاون کو مزید مضبوط بنانے کے عزم کا اعادہ کیا۔
اس کے ساتھ ساتھ اعلیٰ سطح روابط اور مشاورت کو دوطرفہ ادارہ جاتی میکنزم کے ذریعے جاری رکھنے پر بھی اتفاق کیا گیا۔
وزیراعظم شہباز شریف کا ایرانی صدر مسعود پزشکیان سے ٹیلیفونک رابطہ
