پولیس اسٹیشن شرافی گوٹھ کی بڑی کارروائی جعلی پولیس انسپکٹر گرفتار
تفصیلات کے مطابق ایس ایچ او شرافی گوٹھ سب انسپکٹر عدیل شاہ نے پولیس اسٹیشن شرافی کی حدود الفلاح ندی کے قریب سے جعلی پولیس انسپکٹر عبدالروف کو پولیس انسپکٹر کی یونیفارم میں گرفتار کیا ہے۔ملزم سے پولیس کا جعلی کارڈ این جی او کا کارڈ اور پولیس سٹک بھی برآمد ہوئی ہے۔
ملزم کے استعمال میں ہونڈا سوک گاڑی ہے ملزم نے گزشتہ روز طلاق یافتہ عورت سے پولیس انسپکٹر بن کر تین تولہ سونا لے کر فرار ہوا تھا۔
ایس ایچ او شرافی گوٹھ نے ملزم کو ایک ہی دن میں دھر لیا.پولیس پتہ لگارہی ہے کہ ملزم نے پولیس کی آڑ میں اورکس کے ساتھ فراڈ کیا ہے.
جبکہ ملزم کا پرانا ریکارڈ بھی چیک کیا جارہاہے ملزم کے پاس سےخدمت گوپانگ فاونڈیشن کا کارڈ بھی برآمد ہوا ہے۔پولیس ملزم سےمزید تفتیش کررہی ہے۔