ون کانسٹیٹیوشن ایونیو اسلام آباد معاملے پر وزیر اعظم کا بڑا فیصلہ سامنے آیا ہے
وزیراعظم نے نیب کی سربراہی میں مشترکہ تحقیقاتی ٹیم شکیل دے دی،وزیراعظم آفس نے جے آئی ٹی کی تشکیل کا نوٹیفکیشن جاری کردیا۔ جے آئی ٹی میں گریڈ 21 یا اس سے اوپر کے اعلیٰ افسران شامل ہوں گے۔ نیب کے گریڈ 21 کے افسر جے آئی ٹی کے کمیٹی سربراہ مقرر کئے گئےہیں، جے آئی ٹی میں ایف آئی اے اور ایس ای سی پی کے نمائندے بھی شامل ہیں،ایف بی آر،ائی ایس آئی اور آئی بی کے افسران بھی جے آئی ٹی کا حصہ ہوں گے۔ جے آئی ٹی ون کانسٹیٹیوشن ایونیو کے قانونی اور انتظامی امور کا باریک بینی سے جائزہ لے گی۔ وزیر اعظم نے جے آئی ٹی کو رپورٹ جمع کرانے کے لیے 60 دن کی مہلت دے دی۔ نیب کو جے آئی ٹی کا نوٹیفکیشن جاری کرنے اور سیکرٹریل سپورٹ فراہم کرنے کی ہدایت کی گئی ہے،وفاق کے تمام ڈویژنز اور محکمے جے آئی ٹی کو مکمل معاونت فراہم کرنے کے پابند ہوں گے۔وزیر اعظم آفس نے جے آئی ٹی کی تشکیل کا باقاعدہ نوٹیفکیشن جاری کر دیا۔
واضح رہے کہ وزیرِ اعظم محمد شہباز شریف نے ون-کانسٹیٹیوشن ایونیو کے معاملے پر ایک بار قبل بھی اعلی سطح کمیٹی تشکیل دی تھی،وزیرِ قانون و وانصاف اعظم نذیر تارڑ کی سربراہی میں وزیرِ مملکت برائے داخلہ طلال چوہدری، سیکریٹری کابینہ اور کامرس سیکریٹری اس کمیٹی کے ارکان تھے اور کمیٹی نے ایک ہفتے میں رپورٹ پیش کرنی تھی.