پنجاب بار کونسل نے پی ٹی آئی کے سیاسی پروپیگنڈے سے لاتعلقی اختیار کرلی
پنجاب بار کونسل نے واضح کیا ہے کہ بعض اراکین کی جانب سے جاری حالیہ بیان ان کی ذاتی رائے اور مؤقف کی عکاسی کرتا ہے۔ چند اراکین کے بیان کو پاکستان کی پوری قانونی برادری، پاکستان بار کونسل یا پنجاب بار کونسل کا متفقہ اور اجتماعی مؤقف قرار نہیں دیا جا سکتا۔ جمہوری ادارے میں چند افراد کی رائے کو اکثریت یا پورے ادارے کے اجتماعی مؤقف پر مسلط نہیں کیا جا سکتا، زیرِ سماعت معاملات پر بار کونسلز، بار ایسوسی ایشنز اور ان کے نمائندگان کو ایسے بیانات سے گریز کرنا چاہیے جو عدالتی کارروائی، اداروں کی آزادی یا عوامی اعتماد پر اثرانداز ہوں۔ زیرِ سماعت معاملات کا فیصلہ معزز عدالتوں نے قانون اور آئین کے مطابق کرنا ہے تمام متعلقہ حلقوں کو عدالتی عمل کے احترام کو مقدم رکھنا چاہیے۔ بار کے پلیٹ فارم کو کسی فرد یا گروہ کے ذاتی، سیاسی یا جماعتی مقاصد کے لیے استعمال نہیں ہونا چاہیے، پنجاب بار کونسل ایسے کسی بیان یا طرزِ عمل کی حوصلہ افزائی نہیں کرتی جو ذاتی یا سیاسی مقاصد کے حصول کے لیے بار کے اجتماعی پلیٹ فارم کو استعمال کرے۔ وکلاء برادری میں انتشار پیدا کرنے والے بیانات کی حوصلہ افزائی نہیں کی جا سکتی بار کونسلز کا بنیادی کردار قانون کی حکمرانی، عدلیہ کی آزادی اور وکلاء کے وقار کے تحفظ میں معاونت کرنا ہے۔ کسی زیرِ سماعت معاملے پر عدالتی فیصلے سے قبل کسی فریق کے حق یا مخالفت میں رائے مسلط کرنا بار کونسلز کا کردار نہیں۔ پنجاب بار کونسل آئینِ پاکستان، قانون کی حکمرانی، عدلیہ کی آزادی اور تمام آئینی و قانونی اداروں کے احترام پر غیر متزلزل یقین رکھتی ہے۔ تمام وکلاء نمائندگان ذاتی اختلافات اور سیاسی وابستگیوں سے بالاتر ہو کر بار کے وقار، اتحاد اور ادارہ جاتی آزادی کو مقدم رکھیں، زیرِ سماعت معاملات میں عدالتی عمل کا احترام، غیر جانب داری اور ذمہ دارانہ طرزِ بیان ہی قانونی برادری کے شایانِ شان ہے۔ چند افراد کے بیان کو پوری قانونی برادری کی اجتماعی آواز قرار دینا درست نہیں،