دوحہ: قطر میں سابق بھارتی نیوی افسر کو دوبارہ گرفتار کر لیا گیا ہے،جس کے بعد مودی حکومت کی سفارتی کارکردگی پر سنگین سوالات اٹھنے لگے ہیں۔
مودی حکومت کو مبینہ بدعنوانی کو خفیہ رکھنے میں ناکامی پر عالمی اور تاریخی رسوائی کا سامنا ہے، جبکہ قطر میں ایک سابق بھارتی نیوی افسر کی دوبارہ گرفتاری نے بھارت میں ہلچل مچا دی، بھارتی وزارت خارجہ نے سابق نیوی افسر پورنیندو تیواری کی قطر میں گرفتاری کی تصدیق کر دی اس سے قبل بھی قطر میں جاسوسی کے الزامات کے تحت 8 سابق بھارتی نیوی افسران کو گرفتار کیا جا چکا ہے۔
بھارتی میڈیا نے بھی گرفتاریوں کی تصدیق کرتے ہوئے رپورٹ کہا کہ اکتوبر 2023 میں قطری عدالت نے ان نیوی افسران کو سزائے موت سنائی تھی، جس کے بعد بھارت میں شدید غم و غصہ دیکھنے میں آیا، مودی حکومت بھرپور سفارتی کوششوں کے باوجود ان افسران کو وطن واپس لانے میں ناکام رہی، یہ کیس بھارتی فوج کی عالمی سطح پر بدنامی اور ہزیمت کا باعث بنا جبکہ مودی حکومت اس حساس معاملےکو مؤثر سفارتی حکمت عملی کے تحت عالمی سطح پر سنبھا لنے میں ناکام رہی۔
دفاعی تجزیہ کاروں کا کہنا ہے کہ بھارتی فوج کی عسکری تربیت غیر پیشہ ورانہ بنیادوں پر کی گئی ہے اور ادارے کے اندر موجود بدعنوانی کو نظر انداز نہیں کیا جا سکتا جو فوج کے پیشہ ورانہ دعووں اور ساکھ کو شدید نقصان پہنچا رہی ہےداخلی کرپشن بھارتی فوج کی مجموعی کارکردگی پر سنجیدہ سوالات کھڑے کرتی ہے۔