نیوزی لینڈ کے شہر آکلینڈ میں سال 2026 کا آغاز ہوگیا۔
سال 2025 اچھی اور تلخ یادوں کے ساتھ رخصت ہوا اور دنیا نئی امیدوں کے ساتھ 2026 کو خوش آمدید کہہ رہی ہے۔ دنیا میں نئے سال کو خوش آمدید کہنے کا آغاز ہو چکا ہے اور سب سے پہلے نیوزی لینڈ کے باشندوں نے سال 2026 کو خوش آمدید کہا ہے۔
نئے سال کا آغاز نیوزی لینڈ کے شہر آکلینڈ میں ہوا آکلینڈ کے اسکائی ٹاور پر آتش بازی کا شاندار مظاہرہ کیا گیا جس کے باعث آکلینڈ کا آسمان خوبصورت روشنیوں سے جگمگا اٹھا اسکائی ٹاور پر نئے سال کا جشن منانے شہریوں کی بڑی تعداد موجود تھی۔
جبکہ اس کے نصف گھنٹے بعد آسٹریلیا میں نئے سال 2026 کا آغاز ہوا سڈنی ہاربر پر شاندار آتش بازی کا مظاہرہ کیا گیاسڈنی کے ساحل پر سینکڑوں لوگوں نے نئے سال کا استقبال کیا۔
نیا سال نیوزی لینڈ اور آسٹریلیا کے بعد جاپان، جنوبی کوریا اور دیگر ایشیائی ممالک سے ہوتا ہوا ساڑھے 7 گھنٹے بعد پاکستان پہنچے گا دبئی کے بُرج خلیفہ پر آتش بازی کا شاندار مظاہرہ ہوگا سال نو کے موقع پر نیویارک، لندن اور پیرس میں بھی جشن ہوگا بیجنگ میں نیو ائیر ٹی پارٹی پر روایتی اوپیرا پیش کیا گیا، اس موقع پر خطاب میں چینی صدر شی جن پنگ نےکہا کہ سال 2026 میں مزید فعال میکرو پالیسیوں کو آگے بڑھایا جائےگا۔