سال نو کی پہلی گرفتاری، ہوائی فائرنگ کرنے والا ملزم رنگے ہاتھوں گرفتار کر لیا گیا
کراچی کے مختلف علاقوں میں سال نو کے آغاز پر ہوائی فائرنگ کی گئی، جس کے نتیجے میں 2 افراد زخمی ہوگئے،پولیس کے مطابق فائرنگ کے واقعے میں چنیسر گوٹھ میں نامعلوم سمت سے آنے والی گولی لگنے سے ایک شخص زخمی ہوگیا، کورنگی زمان ٹاؤن میں ہوائی فائرنگ کرنے والے 3 افراد گرفتار کیے گئے۔
کراچی کے علاقے گلشن معمار میں پولیس نے بروقت کاروائی کرتے ہوئے ملزم ولی محمد کو گرفتار کیا۔ملزم سے فائرنگ میں استعمال ہونے والا غیر قانونی اسلحہ برآمد کرلیا گیا۔ ایس ایس پی ویسٹ طارق الٰہی مستوئی کے مطابق سال نو کے پہلے مقدمہ کا اندراج گرفتار ملزم کے خلاف کیا جارہا ہے۔ ہوائی فائرنگ اور غیر قانونی اسلحہ کی دفعات کے تحت تھانہ گلشن معمار میں مقدمہ درج کیا جارہا ہے۔
دوسری جانب ویسٹ، تھانہ گلشن معمار پولیس کی بروقت کاروائی، فائرنگ اور زخمی کرنے والا ملزم گرفتار کر لیا گیا،فائرنگ کا واقع گلشن معمار غنی گوٹھ میں ذاتی لڑائی کے دوران رشتے داروں کے درمیان پیش آیا۔فائرنگ سے 26 سالہ نیک محمد ولد خان زمان اور 47 سالہ سید محمد ولد عزیز الرحمٰن زخمی ہوئے۔پولیس نے بروقت کاروائی کرتے ہوئے فائرنگ کرنے والے ملزم رحمت اللّٰہ ولد محمد زمین کو گرفتار کیا۔گرفتار ملزم سے فائرنگ میں استعمال ہونے والا پسٹل بمعہ ایمونیشن برآمد کرلیا گیا۔ملزمان کے خلاف ضابطے کے تحت کاروائی کا آغاز کردیا گیا ہے، فرار ساتھی ملزم کی تلاش جاری ہے۔