صادق آباد کے کچہ علاقے میں پولیس کا آپریشن جاری ہے، جس کے دوران ایک کروڑ روپے انعام والے ڈاکو میرالٹھانی ساتھیوں فدا لاٹھانی اور زلفی لاٹھانی کے ہمراہ سرنڈر ہوگئے۔
پولیس حکام کے مطابق گھیرا تنگ ہونے پر ملزم اور اس کے ساتھیوں نے ہتھیار ڈال دیے۔ گرفتار اشتہاری ڈاکو قتل، پولیس پر حملے اور اغواء سمیت دیگر سنگین جرائم میں ملوث تھا۔ حکومت نے اس کے سر کی قیمت ایک کروڑ روپے مقرر کی ہوئی تھی۔
ڈی پی او عرفان علی سموں نے کہا کہ ہتھیار چھوڑ کر پرامن زندگی اختیار کرنے والوں کے لیے راستے کھلے ہیں اور سرنڈر کرنے والوں کو بہتر زندگی گزارنے کا مکمل موقع دیا جائے گا۔
صادق آباد میں پولیس آپریشن: ایک کروڑ روپے انعام والا ڈاکو ساتھیوں سمیت گرفتار
