عماد وسیم سےعلیحدگی کیوں ہوئی؟ثانیہ اشفاق نے اصل کہانی سے پردہ اٹھادیا

ثانیہ اشفاق نے عماد وسیم سے اختلافات کی اصل کہانی سے پردہ اٹھادیا-

ثانیہ اشفاق نے کہا ہے کہ معاملات اُس وقت تلخ ہوئے جب ایک تیسری شخصیت ان کے درمیان آئی، جو عماد وسیم کے ساتھ ازدواجی تعلق کی خواہشمند تھی،اس پورے معاملے میں ہر بات کا دستاویزی ثبوت موجود ہے اورجو لوگ دھمکی دے رہے ہیں کہ یہ دستاویزات پبلک نہ ہوں ان سے قانونی طور پر نمٹا جائے گا۔

ثانیہ اشفاق نے کہا کہ وہ بدلے کے لئے نہیں بلکہ اپنے اور بچوں کے مستقبل کے لیے سچ بول رہی ہیں اورہراس خاتون کے لئے آواز بلند کر رہی ہیں جس کو خاموش کیا جاتا ہے، انہوں نے تصدیق کی کہ عماد وسیم کے خلاف طلاق کا کیس دائر کردیا گیا ہے،میرا گھر اجاڑا گیا، میرے بچے اپنے والد سے محروم ہوئے اور پانچ سال کے بچے کو اب تک والد نے تھامنے سے انکارکیا ہے۔

نواز شریف اور مریم نواز دبئی روانہ

ثانیہ نے کہا کہ شادی میں کچھ مشکلات رہیں، مگررشتے کو قائم رکھنے کیلئے بطور بیوی اور ماں وہ پوری کوشش کرتی رہیں، بچوں کے مستقبل اورگھرکے وقار کی خاطر انہوں نے ذہنی اذیت اور تلخ رویہ برداشت کیا اب خاموش رہنے کا کہہ رہے ہیں۔

واضح رہے کہ عماد وسیم نے اپنی ازدواجی زندگی سے متعلق اہم اعلان کرتے ہوئے طلاق کی تصدیق کر دی ہے،سوشل میڈیا پر جاری اپنے بیان میں عماد وسیم نے کہا کہ طویل غور و فکر کے بعد اور گزشتہ چند برسوں کے دوران پیدا ہونے والے ایسے اختلافات جن کا کوئی حل ممکن نہ ہو سکا، انہوں نے قانونی طور پر طلاق کے لیے درخواست دائر کر دی ہے۔

وزیراعظم نے آزاد کشمیر میں کینسر اسپتال کا افتتاح کردیا

عماد وسیم کا کہنا تھا کہ یہ فیصلہ انتہائی ذاتی نوعیت کا ہے، اس لیے وہ عوام، مداحوں اور میڈیا سے درخواست کرتے ہیں کہ ان کی نجی زندگی کا احترام کیا جائے انہوں نے واضح طور پر اپیل کی کہ جوڑے کی پرانی تصاویر کو شیئر کرنے یا استعمال کرنے سے گریز کیا جائے اور آئندہ ان کی سابقہ اہلیہ کو ان کی شریکِ حیات کے طور پر حوالہ نہ دیا جائے۔

قومی کرکٹر نے مزید کہا کہ سوشل میڈیا اور دیگر پلیٹ فارمز پر گردش کرنے والی کسی بھی قسم کی گمراہ کن یا من گھڑت کہانیوں پر یقین نہ کیا جائے۔ ان کے مطابق اگر کسی نے اس ذاتی معاملے کو غلط رنگ دینے، کردار کشی کرنے یا غیر متعلقہ افراد کو اس میں گھسیٹنے کی کوشش کی تو وہ قانون کے مطابق اس کا جواب دینے کا حق محفوظ رکھتے ہیں۔

سعودی عرب سے مزید 13 ہزار سے زائد غیرقانونی تارکین وطن بے دخل

عماد وسیم نے اپنے بچوں کے حوالے سے بھی دوٹوک مؤقف اختیار کرتے ہوئے کہا کہ وہ بدستور ان کے والد ہیں اور رہیں گے، اور ان کی پرورش، دیکھ بھال اور ذمہ داری مکمل طور پر اور بھرپور طریقے سے ادا کرتے رہیں گے۔ ان کا کہنا تھا کہ بچوں کی فلاح و بہبود ان کی اولین ترجیح ہے اور اس معاملے پر کوئی سمجھوتہ نہیں کیا جائے گا۔

آخر میں عماد وسیم نے تمام افراد کا شکریہ ادا کرتے ہوئے کہا کہ وہ اس مشکل وقت میں ان کے فیصلے کو سمجھیں، ان کی پرائیویسی کا احترام کریں اور غیر ضروری بحث و قیاس آرائی سے اجتناب کریں، انہوں نے امید ظاہر کی کہ عوام اس ذاتی معاملے کو سنجیدگی اور ذمہ داری کے ساتھ لیں گے۔

لاہور میں سہیل آفریدی کی قیادت میں اسٹریٹ موومنٹ صرف ٹریلر تھا، معاون خصوصی