قطر میں شکیرا کا کنسرٹ ملتوی، خطے کی کشیدہ صورتحال کے باعث بڑا فیصلہ


خلیجی خطے میں بڑھتی ہوئی کشیدگی کے باعث قطر میں عالمی شہرت یافتہ گلوکارہ شکیرا کا کنسرٹ ملتوی کر دیا گیا ہے۔
قطر کی ٹورازم اتھارٹی کے مطابق یکم اپریل کو دوحہ میں ہونے والا یہ کنسرٹ موجودہ علاقائی صورتحال کے پیش نظر مؤخر کیا گیا ہے۔ حکام کا کہنا ہے کہ سیکیورٹی خدشات کے باعث بڑے تفریحی پروگرامز کو عارضی طور پر روکنا ضروری ہو گیا ہے۔
‎دوسری جانب ابو ظہبی میں ہونے والا ایک میوزک فیسٹیول بھی ملتوی کر دیا گیا ہے جہاں شکیرا نے پرفارم کرنا تھا۔ منتظمین کے مطابق پہلے سے خریدے گئے ٹکٹس نئی تاریخ پر بھی قابلِ استعمال ہوں گے، جس کا اعلان بعد میں کیا جائے گا۔
‎شکیرا، جو کولمبیا سے تعلق رکھنے والی معروف گلوکارہ اور پرفارمر ہیں، خلیج کے بڑے میوزک ایونٹس میں شرکت کیلئے شیڈول تھیں، تاہم خطے میں حالیہ کشیدگی کے باعث تفریحی سرگرمیاں بھی متاثر ہو رہی ہیں۔