قصور
سمارٹ لاک ڈاؤن کی خلاف ورزیاں، منتخب دکانداروں کو چھوٹ؟
تفصیلات کے مطابق قصور میں سمارٹ لاک ڈاؤن کے نفاذ کے باوجود مختلف علاقوں میں کھلے عام خلاف ورزیوں کا سلسلہ جاری ہے جس کے باعث انتظامیہ اور پیرا فورس کی کارکردگی پر سوالات اٹھنے لگے ہیں
بوائز ڈگری کالج چوک اور اس کے گردونواح میں کئی دکاندار مبینہ طور پر شٹر بند کر کے اندر گاہکوں کو بٹھا کر کھانا فراہم کرتے ہیں
ذرائع کا کہنا ہے کہ تکہ شاپس، برگر پوائنٹس، ڈاکٹر ناصر کلینک کے قریب واقع دکانیں اور لاہور بیکرز کے اطراف موجود چند ہوٹلز رات گئے تک خفیہ طور پر کاروبار جاری رکھتے ہیں
دوسری جانب عام ریڑھی بانوں اور چھوٹے دکانداروں کو سختی سے رات دس بجے سے پہلے دکانیں بند کرنے کی ہدایت کی جاتی ہے جس پر متاثرہ افراد نے امتیازی سلوک کا الزام عائد کیا ہے۔ ان کا کہنا ہے کہ قانون کا اطلاق یکساں ہونا چاہیے مگر عملی طور پر کچھ مخصوص کاروباری افراد کو رعایت دی جا رہی ہے
شہریوں نے ضلعی انتظامیہ سے مطالبہ کیا ہے کہ سمارٹ لاک ڈاؤن پر بلا امتیاز عملدرآمد یقینی بنایا جائے اور خلاف ورزی کرنے والوں کے خلاف فوری کارروائی کی جائے