کولمبو میں جاری آئی سی سی ٹی20 ورلڈ کپ کے دوران آئرلینڈ کرکٹ ٹیم کو بڑا دھچکا لگا ہے، کپتان پال اسٹرلنگ انجری کے باعث ایونٹ سے باہر ہو گئے ہیں۔
رپورٹس کے مطابق پال اسٹرلنگ آسٹریلیا کے خلاف میچ میں کیچ پکڑنے کی کوشش کے دوران گرنے سے گھٹنے کی انجری کا شکار ہوئے تھے۔ بعد ازاں انٹرنیشنل کرکٹ کونسل کی ٹیکنیکل کمیٹی نے ان کے متبادل کھلاڑی کی منظوری دے دی، جس کے بعد سیم ٹاپنگ کو اسکواڈ میں شامل کر لیا گیا ہے۔
دوسری جانب ٹی20 ورلڈ کپ میں پاکستان کے خلاف اہم میچ سے قبل بھارت کو بھی فٹنس خدشات کا سامنا ہے۔ جارح مزاج اوپنر ابھیشک شرما کی شرکت غیر یقینی ہو گئی ہے۔ بھارتی میڈیا کے مطابق وہ معدے کے انفیکشن کے باعث اسپتال میں زیر علاج رہے، تاہم طبیعت بہتر ہونے پر ٹیم کو دوبارہ جوائن کر لیا ہے۔
پاکستان اور بھارت کے درمیان اہم میچ اتوار کو کولمبو میں کھیلا جائے گا، جس کے لیے بھارتی ٹیم آج رات دہلی سے روانہ ہوگی۔
کولمبو: آئرلینڈ کے کپتان پال اسٹرلنگ ٹی20 ورلڈ کپ سے باہر
