افغانستان کی طالبان رجیم پاکستان کے ساتھ جنگ چھیڑ کر 24 گھنٹے پورے ہونے سے پہلے ہی مذاکرات کی باتیں کرنی لگی۔
افغان طالبان رجیم کے ترجمان ذبیح اللہ مجاہد نے نیوز کانفرنس میں کہا کہ افغانستان پہلے بھی امن کے لیے پاکستان سے مذاکرات کی بات کرتا رہا ہے اور اب جاری لڑائی کے تناظر میں بھی سمجھتا ہے کہ تنازع کے حل کا راستہ مذاکرات ہی میں ہے،افغانستان کی زمین کسی ملک کے خلاف استعمال نہیں ہوگی، ہم نے مسائل کا حل ہمیشہ مذاکرات میں چاہا ہے اور اب بھی چاہتے ہیں کہ مذاکرات کے ذریعے حل نکل آئے
دوسری جانب افغانستان کے نگران وزیر خارجہ مولوی امیر متقی نے قطری وزیر مملکت برائے خارجہ امور سے ٹیلی فونک رابطہ کیا ہے،قطری وزارت خارجہ کے مطابق بات چیت میں پاک افغان کشیدگی کم کرنے کے طریقوں اور خطے میں امن اور استحکام کو بڑھانے پر تبادلۂ خیال کیا گیا۔
دوسری جانب ذرائع کا کہنا ہے کہ پاکستان نے افغان طالبان کی جانب سے جنگ بندی کی چھٹی درخواست کو یکسر مسترد کر دیا ہے۔