قصور
ترقیاتی منصوبے، وعدے تو ہیں لیکن شہری سہولیات اب بھی پیچھے
تفصیلات کے مطابق ضلع قصور میں حکومت کی جانب سے نئے ترقیاتی منصوبوں کے وعدے کیے گئے ہیں لیکن شہریوں کا کہنا ہے کہ اصل میں روزمرہ سہولیات میں بہتری نظر نہیں آ رہی
منصوبے کے تحت سڑکوں، پانی و نکاسی کے نظام اور پارکوں کی مرمت کا اعلان تو کیا گیا مگر زمینی حقائق اس سے مختلف ہیں
قصور دیپالپور روڈ،لاہور قصور روڈ،قصور بائی پاس کی سڑکیں خستہ حالی کا تاحال شکار ہیں
عرصہ دراز سے قصور دیپالپور روڈ کی تعمیر ہی مکمل نہیں ہو سکی
شہریوں نے شکایت کی ہے کہ اندورن شہر کی کئی سڑکیں اب بھی خستہ حالت میں ہیں نالے گندے ہیں اور بارش کے موسم میں پانی کھڑا ہو جاتا ہے بعض علاقوں میں تو نئی سڑکیں ابھی تک تعمیر نہیں ہوئیں، اور ترقیاتی فنڈز کے بارے میں شفافیت کی کمی بھی دیکھنے میں آ رہی ہے
عوامی حلقوں کا کہنا ہے کہ یہ منصوبے صرف نمائش کے لیے ہیں اور شہری سہولیات میں حقیقی بہتری کی گنجائش ابھی باقی ہے
مقامی حکام کا موقف ہے کہ منصوبے مرحلہ وار مکمل کئے جائیں گے مگر شہری توقع رکھتے ہیں کہ عملی نتائج جلد نظر آئیں
ترقیاتی منصوبوں کے وعدے،مگر ایفاء نا ہونے دیکھ کر عوام میں بے چینی
