امریکی صدر ڈونلڈٹرمپ نے چین کا دو روزہ دورہ مکمل کرنے کے بعد بیجنگ سے روانگی اختیار کر لی۔ غیرملکی میڈیا رپورٹس کے مطابق امریکی صدر نے اپنے دورے کے دوران چینی صدر سمیت اعلیٰ حکام سے اہم ملاقاتیں کیں جبکہ دونوں ممالک کے وفود کے درمیان بھی تفصیلی مذاکرات ہوئے۔
رپورٹس کے مطابق ملاقاتوں میں دوطرفہ تعلقات، عالمی صورتحال، تجارت اور خطے کی سکیورٹی سمیت مختلف امور پر تبادلہ خیال کیا گیا۔ مذاکرات کے دوران کئی اہم فیصلے بھی کیے گئے۔امریکی صدر ڈونلڈ ٹرمپ نے اپنے بیان میں کہا کہ انہوں نے چینی صدر شی جن پنگ کے ساتھ ایران کے معاملے پر خصوصی گفتگو کی۔ ان کا کہنا تھا کہ دونوں رہنما اس بات پر متفق ہیں کہ ایرانکے پاس جوہری ہتھیار نہیں ہونے چاہئیں اور آبنائے ہرمز ہر صورت کھلی رہنی چاہیے۔
صدر ٹرمپ نے مزید کہا کہ چین کے ساتھ شاندار تجارتی معاہدے بھی طے پائے ہیں، جو دونوں ممالک کے اقتصادی تعلقات کو مزید مضبوط بنانے میں مددگار ثابت ہوں گے۔