وائٹ ہاؤس نے تصدیق کی ہے کہ امریکی صدر ڈونلڈ ٹرمپ نے ایران سے متعلق کشیدہ صورتحال کے تناظر میں پاکستان کے فیلڈ مارشل سید عاصم منیر سے اہم رابطہ کیا ہے۔
وائٹ ہاؤس کی ترجمان کیرولین لیوٹ کے مطابق یہ بات چیت انتہائی حساس نوعیت کی تھی اور اس کا مقصد ایران کے ساتھ ممکنہ جنگ کو روکنے کے لیے سفارتی کوششوں کو آگے بڑھانا ہے۔
انہوں نے کہا کہ امریکا میڈیا کے ذریعے مذاکرات نہیں کرتا، اس لیے اس حوالے سے سامنے آنے والی قیاس آرائیوں کو حتمی نہ سمجھا جائے جب تک کوئی باضابطہ اعلان نہ کیا جائے۔
ذرائع کے مطابق یہ رابطہ خطے میں بڑھتی کشیدگی کے دوران سفارتی سرگرمیوں کا حصہ ہے، جہاں مختلف ممالک جنگ کے خطرے کو کم کرنے کے لیے متحرک ہیں۔
ماہرین کا کہنا ہے کہ اس نوعیت کے رابطے خطے میں امن کے لیے اہم پیش رفت ثابت ہو سکتے ہیں، تاہم صورتحال اب بھی غیر یقینی ہے۔
وائٹ ہاؤس کی تصدیق: ٹرمپ اور عاصم منیر کے درمیان ایران معاملے پر رابطہ
